Mga langyaw'ng deboto sa Senyor

Sayud ba mo nga dili kay pulos lang Sugbuanon ang mangapil sa novena ni Sr. Sto. Niño diha sa Pilgrim Center? Naa bayay mga langyaw sab.

* * *

Usa ka deboto ni Sr. Sto. Niño nga mag-apilan sa hapon-hapon nga novena, misulti kanato nga naa say mga langyaw ug dayo nga iyang nakit-an diha sa Pilgrim Center.

* * *

“O, nangadye sab sila og mouban sab sa mga “locals” sa pagwarawara sa ilang mga kamot samtang gikanta ang “Bato Balani sa Gugma,” suma pa sa atong tinubdan.

* * *

Naay mga Kano, Katsila, Hapon, Insek ug uban pa nga wala mailhi sa atong tinubdan ang nationality. Unsa may wording sa ilang kanta? “Bahala nag unsa -- bisan unsa -- basta nalipay ko nga mga estranghero apil sad sa atong debosyon sa Senyor,” matud pa sa atong tinubdan.

* * *

Bisan sa solemn procession ni Sr. Sto. Niño naa say mga langyaw nga manguyog, kini suma sa kaila tang sakop sa Knights of Columbus.

* * *

Unya naay mga lumad nga Sugbuanon nga dili gustong ilhon nga debotos ni Sto. Niño. Ug gani ila pang yaga-yagaan kini. Ug dili lang yaga-yagaan, ila pa gyong ipanglabay ang imahen niini.

* * *

TRIVIA -- Pit Senyor sa atong mga higala diha sa may Carlock ug Tres de Abril. Salamat sa inyong pagsuporta sa Banat News.