Pillow fighting

Tungod sa kabisi (busy) sa mga tawo ning panahuna, ug tungod kay kadaghanan kanato nagkapuliki sa trabaho, labi na kalabot sa pagpangita’g palangitan-an, daghan ang nangaigo sa gitawag sa Iningles og stress.

* * *

“Tensiyonado ang katawhan karon,” matud pa sa usa ka kura paruko sa iyang sermon kon wali. “Busa,” matud niya, “nagkinahanglan kita og pamaagi sa paglikay ug pagsumpo sa stress.” Ug ang pagpangadye maoy iyang gisugyot. Ok kaayo ni.

* * *

Apan didto sa China, ang mga office workers o mga nanagtrabaho sa opisina, adunay laing paagi sa pagsumpo sa stress o tension sa ilang kinabuhi. Magpahigayon sila og pillow fighting o gubat-gubat sa mga unlan.

* * *

Gatusan ka mga unlan nga sinudlan og hangin ang gipundok sa “awayanan” diin ang mga combatant maglinabayay sa maong unlan. Ang mangatumba lagmit matabunan o malubong sa gatusan ka mga unlan (humok nga unlan kay hangin man ang sud niini).

* * *

Dunay kinataw-anay ug sininggitay (friendly screams) samtang naglinabayay sa unlan. “Alegre kaayo,” suma pa sa usa ka Chinay (Pinay nga Insek nga nagtrabaho sa usa ka opisina sa Shanghai). “Mawala gayud ang stress nato.”

* * *

Kining Chinay nga nia sa Cebu alang sa Christmas break with her Fil-Chinese family said she was thinking of introducing niining pillow fighting dinhi sa ato. Segurado kuno siya nga daghan ang mangapil kay daghan dinhi ang stress-suffering people. Apil nya ko ani.

* * *

TRIVIA -- Belated Merry Christmas sa atong mga readers ug Happy New Year kanatong tanan. (with JVJ)