Kaugalingong pikpik

Adunay mga higayon nga ang atong mga kalampusan ginagmay man o dinagko ang nahikalimtan sa uban. Dili man sa ingon nga hangol kita og pasidungog apan hibaw-i nga natural ug tawhanong panginahanglan usab nga daygon ikaw. Sanglit kini man ang imong kusog nga mohimo ka pa og mas labaw pa kaysa imong naandan. Ang mahinungdanon lang nga abli ikaw sa mga posibilidad sa paglambo. Dugang pa kini makapadugang sa imong pagslig sa imong kaugalingon diin mamahimo kang makaamgo nga sama sa uban aduna kay tinagoang hiyas nga angayan nimong ipaambit sa kinabag-an. Kini mao ang gitawag og “Flooding” kon ang Pagpabaha og mga positibong mga pulong sa imong hunahuna. Ang mga positibong hunahuna maoy makatabang kanimo aron mas gamiton pa gyud nimo ang imong potential to its maximum ingon tang pagkasultiha. Mao nga husto gyud si Donald Trump sa iyang pag-ingon: “You have to think anyway, so why not big?” Mao ako, gigamit ko gyud ang akong imahinasyon sa walay tihik-tihik bisan pa man sa mga butang imposible kay nagtuo ako nga pinaagi sa determinasyon ug pagsalig sa Dios ang tanan kong gihunahuna mahimong tinuod. Dili pa tingali karon basin ugma. Walay dautan kun mosulay lang.