OSCA Head nominees

At last ang mga senior citizens ning dakbayan, pinaagi sa ilang mga chapter delegates, mipili sa tulo ka nominees alang sa pagka-OSCA Head. Gikan sa siyam ka mga nominees, ang first three nga napili, sila si Lando Llaguno sa mountain barangay Adlaon, Lita Lumibaw sa Labangon, ug George Villamor sa Kamagayan.

Ang election gihimo atol sa gipahigayon nga Social Development Program and Planning alang sa mga senior citizens, sa Fortuna Hotel, Nov. 23-24, gitambongan sa 79 ka barangay chapter delegates.

Pilian sa tulo ka nominees ang itudlo ni Mayor Rama pagka-OSCA Head. Si Llaguno, nga nakakuha og 23 votes, kun siya ang itudlo sa mayor, unahon niya sa pagtagad nga maka-avail ang mga senior citizens sa mga facilities sa kagamhanan, sama sa pagtukod og Home for the Aged, ilabina na alang sa mga abandoned senior.

Ingon man, ipahigayon ni Llaguno ang mga livelihood projects, aron ang mga senior citizens self-reliant ug kaabag sa kagamhanan, ug dili maisip nga burden sa katilingban. Panghingusgan nga ma-establish ang mga geriatric ward sa mga government hospitals, suma sa gimbut-an sa balaud.

Samtang sa iyang bahin, ang immediate priorities ni Lita Lumibaw (13 votes), naglakip ning mosunod: Systematic preparation sa payroll aron kalikayan ang pagkahanaw ug pagkahisalaag sa mga ngalan; Institutional diagnosis aron mapahimutang ang klaro ug doable nga mga plano ug proyekto alang sa mga senior citizens; ug pagpaningkamot nga kahatagan og honorarium ang mga chapter presidents.

Si George Villamor (11 votes), kun siya ang itudlo nga OSCA Head, iyang hatagan sa unang mga pagtagad, nga niining nanghibilin nga mga adlaw sa mga senior citizens, ang health, emotional, ug financial concerns, aron ma-prepared spiritually, ug kalikayan ang kabalaka, ug kahigwaos ug aron maka-enjoy gihapon in full sa katahom sa kinabuhi.

Alang nako, it was a very successful event alang sa mga senior citizens. Atong ma-felt nga gihatagan   na gyud og full attention sa city hall ang mga senior citizens.

Maoy atong panghinaut nga mapanday na ang ordinansa nga mag-create sa OSCA , aron nga ang OSCA head unya, aduna nay kaugalingong budget, sweldo, opisina, staff (nga dili detailed ug dili hinuwaman), ug mga kahimanan, aron maka-fully function ug makaalagad in full sa mga panginahanglan sa mokapin 50 mil ka senior citizens sa dakbayan. Belinda?