Pangayo og ikaw pagahatagan

Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.

Ang balaang kasulatan adunay giingon nga “ask, and it shall be given you; seek and you shall find; knock and it shall be opened unto you. For every one that asketh receiveth; and he that seeketh findeth; and to him that knocketh it shall be opened,” (Matthew 7:7-8).

Daghan kita og tawhanon ug espirituhanon nga mga pangandoy gna wala gayod nato maangkon kay wala nato pangayoa gikan sa Ginoo. Ang Diyos dili gayod mohikaw sa paghatag sa mga butang nga gipangayo sa iyang mga anak kun sila kinasingkasing nga mangayo niini gikan kaniya.

Ug nga ang ilang gipangayo anaa magsubay sa katarong. Dili motabang kanimo ang Ginoo kung mag-ampo ka nga modaog sa lotto ug uban pa nga matang sa sugal. Kay alang kaniya ang sugal maoy kahimanan sa demonyo aron sa pagpahisalaag sa kalag sa tawo.

“For they that are after the flesh do mind the things of the flesh. But they that are after the spirit, the things of the spirit, for to be carnally minded is death; but to be spiritually minded is life and peace,” (Romans 8:5-6).

Ang matuod nga Kristohanon miila sa balay-sugalan isip “sanctuaries of Satan.” Apan, ang nakaparat lang mao nga ang mga pag-ampo nga dunggon o patalinghugan lang sa Ginoo mao kadtong mga pag-ampo sa mga matarong.

“Not every one that saith unto me, Lord, Lord, shall enter the kingdom of heaven; but he that doeth the will of my father which is in heaven.” (Matthew 2:21).

Dili patalinghugan sa Ginoo ang mga pag-ampo sa mga salbahis. Gidungog sa Ginoo ang mga pag-ampo ni Abraham, Isaac, Jacob, David, Solomon ug uban pa gumikan sa ilang pagkamatinumanon ngadto sa iyang mga kasugoan. Alang kanila ang dili pagtuman sa kabubut-on sa Diyos usa ka dako nga sala. Gani, ila man nga giila nga ang pagtuman mas maayo pa kay sa sakripisyo. “Behold, to obey is better than sacrifice, and to hearken than the fat of rams,” (Samuel 15:22).

Ang mga suliran sa atong nasud nga angay nato nga iampo kanunay nga mawagtang mao ang sobra nga pangawkaw. Pagkuyanap sa gidili nga drugas, kagutom, nagkadaghan nga walay trabaho. Kalibotanong krisis sa ekonomiya, kakulang sa mga tunghaan, pagsaka sa krimen hingpit nga kalinaw sa Mindanao ug uban pa.