Ang pagsabot sa pakighilawas

Kay lagi utangan sa Calimpon mao nga miadto ako didto. Human nako og bayad akong nakita ang pipila ka mga DVD’s nga informative kaayo mao nga nipalit gyud ko. Usa sa akong nakita mao ang kabahin sa sex education materials nga naghisgot sa arte sa pakighilawas nga naglangkob ning mosunod nga mga topiko: “Kama sutra, how to turn on a woman” ug uban pa.

Alang nila materyal na kadto sa sex education. Kay lagi ang sex o pakighilawas ang gisabot man lamang nga usa ka ritualized behavior nga naghatag og kalami nga lawasnon. Apan kun buot hunahunaon, adunay mas lawom pa nga kahulogan kun nganong makighilawas gyud ang tawo.

Sekswal na man tang daan mga 6 milyon ka tuig na ang milabay. Kabahin kini sa atong pagkatawo ug kini maoy paagi aron mopadayon pagpakabuhi ang kaliwat natong mga tawo. Ang nakapait lang kay na-limit lang sa physical ug dualistic nga pagsabot ang kadaghanan kanato. Bisan unsang materyal dautan. Wild ug unruly ra kaayo nga instinct ang pakighilawas nga maoy hinungdan kun nganong toxic kaayo ang epekto niini sa mga tawong wala makasabot ni makatugkad sa bili niini sa kinabuhing malambigiton.

Kun gihatagan og gibug-aton ang kinatawo kun maghisgot ta og pakighilawas mas haom gyud nga ang sabakan sa usa ka babaye ang himuong simbolo. kay dili lang kutob sa kinatawo ang tanan kun dili adto gyud kini mosangko sa sabakan diin gikan didto ipahimugso ang bag-ong kinabuhi.

Dugang pa, ang pakighilawas usa ka pagpadayag sa atong tinguha sa pagsinabtanay ug sa mutuality. Dinhi masukod sa usa’g-usa kun duna ba sila’y pagtahod ug gugma. Kini ang tinuod nga kahulogan sa Intimate Moments. Pamalandongi kini: “Masama ang magtanim ng galit sa iba pero mas masama ang magtanim ng bata sa hindi mo siyota.” Busa displinaha ang imong kahigal aron dili ka mamahimong extra sa Barely legal.