Mahal maghikog

Bitoy: Ayaw gyud pagpakamatay tungod sa problema. Ang lungon 50 mil, Nitso-10mil, Misa-500, Kape tag-5, biskwit 5. Busa kung may problema 100 lang ang gikinahanglan, sa Sparkle ug 65 hubog na may pulotan pa.(Toink!/Estoryaheeeeee!)

Komedya lang kung paminawon apan maoy labing tinuod sa panahon karon.

Dili na madalidali ang pagpahiluna sa sementeryo. Gawas nga naghuot na ang mga sam-ang, ang presyo makalilisang. Sa miaging kalagkalag lang, sa duha ka adlaw nga pasuga 220 ang bayad. Nagbagutbot pa ang ubang mga tagtungod sa sementeryo sa Poblacion Talisay kay pagka-Nobiyemre 2 sayong gipagngan sa suga.(Ayay!).

 Gawas nga way puas ang pagsaka sa presyo sa lana nga maoy gihimong puhonan sa tanang mga patigayon pagpausbaw sab sa ilang mga presyo. Wala sab pabitin ang ubang mga punerarya pag-ubay sa kalamboran sa teknolohiya.

Kun dunay gitawag og on-line games, on-line chatting, on-line employment ug uban pa dat kom. Sa mga punerarya duna na say gitawag og on-line burol diin imong makita pinaagi sa internet ang haya. Og sa propaganda pa sa usa ka kompaniya sa telepono “Malayo man malapit din”.(Toink!/Bongga!)

 Maayo lang unta og dunay puneraryang mokopya sa promo sa ubang recruitment agency nga pang-abroad “Fly now pay later” sa ila “Die now, pay later”. Bali man gud ang package nga gitanyag karon sa mga insurance company “ Pay now, die later”.(Toink!/Aguy!) Hehehehehehehehe!

Dihay managhigala nagtan-aw og balita sa tv sa usa ka lalaki nga nagtindog ibabaw sa taas nga bilding.

Buloy: Bay pustaanay ta o molukso na siya maghikog na.

Bitoy: O ba, para naku dili na siya molukso, dili na maghikog.

Buloy: Usa ka libo?

Bitoy: Ok.

Karon sa balita kay milukso man gyud diay ang lalaki ug namatay. Ingon dayon si Bitoy.

Bitoy: Bay o kuhaa ring usa ka libo.

Buloy: Ayaw lang bitaw bay kita naku anang balitaa ganina.

Bitoy: Dawata lang bay kita bitaw sad ko anang balitaa ganina.

Buloy: Ha? Nganong nipusta man ka.

Bitoy: Nagtuo kong dili na siya mousab og hikog.(Toink!/Iho!)

Hehehehehehehehehehe!

Si bisan kinsa maoy pasultihon walay tawo nga anaa sa iyang hustong panghunahuna nga magpakamatay. Gawas nga supak kini sa kabubut-on sa labaw’ng makagagahum mapudyot lang siguro ang mga tawo nga wala malisang sa kamatayon.

Ang pangutana, wala man sa husto o anaa man sa hustong panghunahuna ang hingtungdan nga magpakamatay duna bay mga paagi nga kapugngan ang ilang tinguha?

Mengoy: Hoy! Bitoy nganong naghikot ka sa imong liog?

Bitoy: Maghikog ko Goy, aron dili mo makagasto ilabay lang ko sa dagat.

Mengoy: Oy tonto makamulta tag mahal kun masakpan ta sa bantay dagat.

Bitoy: Patabuni lang ko bisan asa.

Mengoy: Na samot dako tag multa ana sa Department of Health.

Bitoy: Isagol lang ko sa basura.

Mengoy: Samot tang makamulta kay dunay parte nimo nga malata ug dili malata. O imo man nang gitangtang.

Bitoy: Dili na lang ko oy mahal kaayo maghikog.(Toink!/Hehehehehehehehehe!) (emailad:[email protected])