Tingog sa katawhan: Pagpatahom sa Osmeña blvd. dalaygon

Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.

Ang laraw sa mga nagdumala sa pagpatahom sa dakbayan sa Sugbo nga sama katahom sa Paris, France dalaygon ug angay sa pagpaluyo sa tanang mga Sugbuanon.

Suma pa ni Madame Mariquita Salimbangon-Yeung ug Mrs. Quisumbing nga aduna sila’y laraw sa paghimo sa Osmeña blvd. nga pareha kaanyag sa Ellyses, Paris matahom nga dakbayan sa Uropa. Apan ang giila nga labing dako nga siyudad sa Uropa mao ang London.

“Kinahanglan nga ang anaa mahimutang sa daplin sa Osmeña blvd. nga mga tag-iya og dagkong mga balay patigayon maminaw sa mga sugyot nila ni Yeung ug Quisumbing kun unsa ang ilang buhaton aron ila gayod nga makab-ot ang ilang tinguha nga ang Osmeña blvd. mahisama sa Ellyses” suma pa sa duha ka bilyonaryo.

Labaw sa tanan ang kagamhanan sa dakbayan sa Sugbo kinahanglan sab nga mosuporta sa maanindot nga plano ni Yeung ug Quisumbing. Kay wala’y butang nga dili mabuhat kun ang tanan magtinabangay lang sa usa’g-usa.

Suma pa ni John F. Kennedy United we stand, divided we fall. Ang dakbayan sa Sugbo dugokon gayod pag-ayo sa mga turista kun matuman kining laraw ni Yeung ug Quisumbing.