Hain na?

Mga pangutana kini sa katawhang magbubuhis diri sa barangay Canduman ug Cabancalan dakbayan sa Mandaue. SIla si kanhi Pres. GMA ug Secretary Ebdane sa DPWH, maoy migahin niining P100 milyon para sa taytayan nga maoy magdugtong sa barangay Canduman ug Cabancalan uban na niini ang road widening.

Nagbansiwag ang dakung billboard nga adunay sketch plan sa maong taytayan, ug sa road widening niini gikan sa H. Abellana Canduman, paingon na ngadto sa M.L. Quezon sa Cabancalan diri.

Nahuman ang taytayan sa gahin nga P48 milyon, ug giablihan kini ni GMA niadtong Dec. 15, 2009, apan ang road widening nga gigahinan og P52 milyones, hapit nalang magduha ka tuig, hangtud karon, wala pa gyud kasugdi, ug walay timik.

Hain naman kini? Kita raba sa Pilipinas giingon nga “The Crocodile Country in Asia.” Gitukub na kaha kini’s mga buaya. Kining P100 milyon dili kini gikan sa pork barrel sa kongreso, gikan kining tanan nila ni DPWH Sec. Ebdane,ug ni PGMA. Hain na kini karon?Tubag kay tingali’g tugkan kamo’g hubag-hubag, kay ang gaba, di magsaba.