Association of Visayan Elders

Sa Manila, adunay mga hisgot hisgot ug mga sugyot nga gumikan sa kadaghan na sa mga senior citizens mahimo kaayo nato, kun magkahiusa lang nga makapadala kitag upat o unom ka Senior Citizens Party-list Representatives sa Kongreso.

Giingon nga si Jorge Banal sa Quezon City, ug national president sa FSCAP kon Federation of Senior Citizens Associations of the Philippines, Inc., naglaraw pagdagan pagka-party-list Representative, representing whole of Luzon ug NCR, samtang sila Reps. Godofredo Arquiza ug David L. Kho, magpa-reelect concentrating gihapon sa Luzon ug sa NCR. Matud ni Joe Ordoñez, secretary general sa buhatan ni Arquiza, dili tinuod nga molansar si Arquiza pagka-Senador.

Bisan kun magbahin sila sa senior citizens votes sa Luzon ug NCR, dili suliran ang pagdaug kaylagi, sayon kaayo ang pag-obtain og 1 to 2 million votes, gumikan lagi sa kadaghan sa mga senior citizens.

Sa ato pa, dili sila manghilabot sa Visayas ug Mindanao. In fact, motabang sila pagpadaug sa kaugalingon natong mga nominees dinhi. Mahimo ba ni nato?

Sa Central Visayas alone, again, kun maghiusa ta, dili problema ang pagdaug. Pila ra guy one million votes pagpadaug og at least one nominee. Gisugyot nga ang nominee no. 1 comes from Cebu, no. 2 from Bohol, ug nominee no. 3 from Negros Oriental. Ug ang alternates may come from Siquijor, and perhaps, kun mo-affiliate kanato ang ubang Cebuano speaking areas sama sa Maasin, Ormoc, ug Baybay, makadugang kini sa number of votes.

Nothing is final yet. Apan, kun magkasabot sila didto sa kaulohan, kun mo-sit down sila si Banal, Arquiza ug Noli Villafuerte, OSCA Head sa Makati City, ug magkauyon sa mga gisugyot dinhi, daku ang purohan nga maka-put up kita’g kaugalingon nga party-list sa mga senior citizens.

Wala nay problema ang Mindanao tungod kay aduna na man silay Association of Mindanao Elders (AME), accredited na sa Comelec. Kita dinhi, we still have to organize. Gisugyot ang Association of Visayan Elders (AVE). Sayon litokon ug hinumdoman.

Unang mga lakang mao ang pag-identify sa mga possible nominees. Mao ni karon ang atong buhaton. Kinsa man ni sila?

Angay hunahunaon nga kun makapadala kita’g duha ka Tinugyanan ngadto sa Kongreso aduna kitay P140 million nga gahin, alang lamang sa mga senior citizens sa Central Visayas. Ug lagmit adunay additional nga P60M matag kongresista.

Akong usbon, it’s time maghiusa kita, maghugpong, inay magkompetensiya ug mag-iyahay. Pagkakaron, damgo kining tanan. Apan, ikaw maoy makapa-realize ning maong mga damgo.