Ang ganghaan nga walay timaan

Anaa gyud ang kawalay kasegurohan sa kaugmaon. Bisan pa man tingali kun anaa kay mga insurances, mga kabtangan o dili ba kaha salapi sa bangko, ang buhing matuod mao nga wala gyud ka masayod sa mga hitabo sa ugma. Ang imong nasinati ang kagahapon ug ang kasamtangan. Sama sa mga magtiayon.

Dili man mahinungdanon unsa ang mahitabo mga pulo ka tuig gikan sa kaminyoon. Ang mahinungdanon mao nga sa pulo ka tuig nga panagtipon anaa gihapon ang paghigugmaay sa usa’g-usa kay mosunod ra man gyud ang tinguha sa seguridad. Ang atong ehemplo niini mao si Abraham. Si Abraham gisugo sa Dios sa pagbiya sa iyang kaugalingong nasud ug gipanaw niya ang laing nasud nga lahi ra kaayo sa iyang namat-an og buot.

Miadto siya tungod sa iyang dakong gugma kang Yahweh. Si Maria sa dihang gipahibalo sa anghel nga si Gabriel nga mamahimo siyang Inahan sa Dios, ang wala masayod sa linugdangan sa maong pagsanong apan nisanong siya gumikan sa iyang gugma sa Dios.

Kita usab ang makalatas sa maong dalan nga wala’y timaan ug bugtong gugma lamang ang atong pagahuptan. Dili kini usa ka panimpalad sanglit, kuyog man niini ang elemento sa pagpili. Gipili nato ang risgo sa ngalan sa gugma. Ni-risgo kita tungod kay kita nahigugma. Matud sa usa nako ka higala: “The best love story is not the story of Romeo and Juliet who died young together but that of Grandma and Grandpa who grow old together.