Sa sayong kabuntagon

Matag alas tres sa kaadlawon mao gyud na ang tingmata nako. Human sa morning prayers maglakaw-lakaw dayon ko sa plaza uban sa mga higala. Human sa lakaw-lakaw mangandam dayon alang sa Misa. Paborito nako nga sud-ongon mao gyud ang pagsubang sa adlaw gikan sa sidlakan. Ang bidlisiw niini makahatag og kapresko sa panghunahuna ug sa kalawasan. Mao nga ang tambag sa mga karaang tawo, maayo gyud nga momata gyud og sayo aron dili ka magluya kun masidlakan na sa adlaw.

Ingon ini usab ang kinabuhi.Nindot balikon og lantaw ang kabuntagon sa atong pagkatawo. Nindot tagamtamon ang unang higayon nga nigitib ang imong ideyalismo. Dunay mga higayon nga kita maluya gumikan sa mga panghitabo apan ang pagbalik-lantaw sa imong gitinguhang damgo maoy naghatag og hinungdan kun nganong buot pa nimo nga mabuhi.

Inigmata nimo sayo sa buntag himoa kining mosunod:

A. Pag-ampo sa Pasalamat nga Ikaw nakamata.

B. Inom og tubig dayon lakaw-lakaw

C. Planoha ang imong buhaton ining adlawa.

D. Ug dayon nimong katulog, pamalandongi ang imong mga nabuhat.