Kadaghanan sa mga tawo ang dili buot matulog. Kini tungod kay daghan ang trabaho, daghan ang tapuson. Hangtud na hinuon nga ma-insomia na lang ug maglisud pagkatulog. Sa akong pag-adto sa SPFY si Fr. Jaque ang nisugyot nga ang maayong paagi aron ang tawo makatulog pinaagi sa expressive arts apil na niini ang pagdrowing kun ugaling kini ang imong hilig. Sa laing bahin, pwede usab magamit ang balas nga inayag nga hikapon sa mga kamot inubanan ang pagpiyong sa mga mata.
Dili maayong kalimtan lang ang kamahinungdanon sa pagkatulog. Diha sa pagkatulog ang tawo mabaskog. Diha sa pagkatulog ang tawo mamahimong mapahimatngonan pinaagi sa iyang mga damgo. Mao nga dili makatarunganon nga himuon nato ang atong kaugalingon nga daw sama sa mga makina ug dili na lang papahulayon.