Ang tawag sa atong Ginoo

Kini mao ang ulohan sa awit nga gitagik ni Narcisa Fernandez nga kasagarang awiton inig sugod na sa Misa o uban pang kalihukan. Matag usa kanato adunay tawag ug adunay tahas sa kinabuhi. Hinuon adunay mga higayon nga sa atong panaw ug sa atong pagsanong, molusot ang daghan kaayong mga pangutana ug mga pagduda. Kuyog ning maong mga pagduda mao ang krisis nga moabot diha sa imong kinabuhi. Ang imong pangutana mao: “Kini ba gyud ang akong tawag? Kini ba gyud ang akong Misyon?”

Ang mahinungdanong buhaton sa usa ka tawo mao: “Iyang higalaon ug amomahon ang maong tawag.” Kay diha lamang sa paghimo sa ingon, siya magmalipayon ug diha sa iyang paghimo sa ingon, siya gawasnon.