Kanila nga wala makakaplag sa ilang misyon
Adunay mga hinungdan kun nganong daghang mga tawo ang wala pa makakaplag sa ilang misyon. Adunay lima ka mga kategoriya.
1. Niadtong wala masayod nga duna sila’y misyon o kaha nagdumili sa pagtuo niini.
2. Niadtong nangita sa ilang misyon sa kawang nga paagi sanglit, wala man sila masayod kun unsaon pagpangita niini.
3. Niadtong walay igong kaisog sa pagsunod niini.
4. Niadtong nakakita sa ilang misyon o tumong apan nibiya niini.
5. Niadtong nakakaplag sa ilang misyon apan nagdumili sa pagtuman o pagsanong niini.
Niadtong wala masayod nga duna silay misyon o kaha nagdumili sa pagtuo niini.
Ang kinabuhi ning matang sa mga tawo walay igong pwersa. Daw sa natagbaw lamang sila sa kaon-trabaho-katulog nga liyok sa ilang inadlaw’ng kinabuhi. Ang ilang misyon ug pangandoy padayon nga mag-abat kanila diha sa ilang mga damgo nga usahay moresulta sa naghinobrang kabalaka. Daghan sa ilang mga panginahanglan ang ilang gibalewala ug gipasagdan lamang. Nahimo kini nilang mga unfinished business ug nahimong kabahin na hinuon sa ilang anino ingon nga tawo.
- Latest
- Trending
