Pag-ampo mao ang yawe sa pagpalambo sa atong nasud

Alang sa mga erehes o dili motuo og Diyos ang pagpahigayon og usa ka hiniusang nasudnong pag-ampo usa ka binuang. Apan, alang sa mga Kristohanon ang maong kalihokan dalaygon og labing epektibo nga solusyon aron molambo ang atong nasud.

Apan, subo kaayo nga palandungon nga ang mga kadagkuan sa ubang simbahan sama sa Romano Katoliko, Iglesia Ni Kristo, El Shaddi ug Jesus Is Lord Movement mao lang ang kanunay'ng magkasabot. Apan, ang laing gatosan ka mga denominations sa nsaud wala gayod mosalmot gumikan sa ilang managlahi nga mga doktrina.

Dili ikalimod nga ang naasoy na nga simbahan magkahiusa lang sulod sa pipila ka higayon apan pila ra man ka simbahan ang mosalmot? Ang nakadaot sa uban tang mga kaigsoonan mao nga wala nila hatagi og bili ang pag-ampo. Nalimot sila nga ang pag-ampo makahimo og daghang milagro. Sama sa pagpalihok sa bukid, pagbanhaw sa mga patay, pag-ayo sa mga balatian ug uban pa.

Hinuon, ang pagkawatakwatak ug pagkatibulaag sa atong mga simbahan tipik na ug kabahin sa dakong laraw ni Satanas aron dili gayod mahinayon ang atong nasudnong pag-ampo.

Ang mga nasud nga misandig kang Kristo isip ilang Diyos ug personal nga manluluwas akong nakita nga malamboon.

Sama sa Estados Unidos, Canada, England, Germany ug uban pa. Ang Balaang Kasulatan wala gayuy gitagna nga wala matuman o mahitabo. Kay lagi nagpasidaan man kini nga "what is written is written". Suma pa sa (2nd Chronicles 7:14) "If my people wich are called by my name, shall humble themselves, and pray and seek my face, and turn from their wicked ways; then will I hear from heaven and will forgiven their sins and will heal their land."