Ang iyang rason

Nisakay ko og taxi padulong sa SM City Cebu ug ang drayber ang akong naobserbahan nga daw sa giduka. Ako siyang giingnan: “Giduka man ka Nong? Unsa man ka katulgon?” Siya nitubag: “Pasensiya lang Dong kay unsaon ako man gud ang nagbantay sa akong asawa nga nanganak. Pagkadako sa gastohan! Pagkapait!” Daw sa naluoy ako mao nga ako siyang gipangutana: “Ikapila man na nimo?” Siya mitubag nga kalma kaayo: “Ikawalo!”

Pamalandong

Sa kalisud karon kinahanglang maantigo ang mga minyo nga sa ilang pamilya magplano sa paagi nga nahasubay sa gitudlo sa atong tinuohan ug sa moralidad.