Ang China karon

Samtang kita dinhi sa atong nasud, nagpabiling backward, kaylagi, maoy atong giuna pag-atiman ang corruption, kinsa kanato ang mas kawatan, kay mora mag kawatan tang tanan. I hope dili. Ug misamot ang atong ka-busy pagpangita kinsa kanato ang dili kawatan.

Unsa man karon ang atong nasud? Nagsalig sa ukay-ukay, surplus nga mga multicab, habal-habal, dili self-sufficient sa bugas, nagkadaghan ang mga walay trabaho, ug way klarong padulngan – asa kita paingon.

Samtang mao kini kita, komusta man ang China nga di kamaong mo-Iningles? Ang labing uwahi nga atong nahibaw-an mao nga ang China karon giisip nga nagbaton sa labing taas nga high-speed rail network sa tibuok kalibutan.

Karong bag-o, nag test-run sila sa usa ka passenger train nga mi-hit sa record speed of 302 miles per hour kon 486 kilometers per hour. Kakusog ana, mas kusog pa kay sa atong mga habal-habal ug multi-cab. Ang proyekto mi-cost og $32.billion Kita dinhi, ambut asa kaha paingon ang maong kantidad. Maoy tuyo sa kagamhanan sa China ang pag-link sa mga dagkung dakbayan pinaagi sa mga high-speed nga rail system. Kita dinhi, naglalis pa kun kinsay tuhoan, si EddieGul ba o si Tomas.

* * *

Usa ka hotel sa Abu Dhabi sa United Arab Emirates, mipabarog og usa ka higanting Christmas tree nga may gitas-on nga 43 ka tiil (13 meters) puno sa dayandayan nga naglakip sa mga gold, rubies, diamond ug ubang mga precious stones ug jewelry.

Migasto og 11 million U.S. dollars. Ang Abu Dhabi dili Kristohanon, apan ang Chrismas spirit nagpasuwabi usab sa maong dapit, ilabina sa mga mall, sama sa mga dagitab paskohanon, mga mananaygon, ug mga hulagway sa Santa Claus.

* * *

Ang 42,025 ka barangay sa tibuok nasud, adunay gahin nga P51 billion isip IRA sugod sa miaging tuig. Hinoon, dili equal ang ang pagpang-apod-apod, i-agad kini sa income sa matag barangay. Magkadaku ang kita, modaku usab ang IRA.

Morag nabali. Kadtong mga gagmay’ng barangay, gagmay usab og kita, mao untay nagkinahanglan og mas dakung allotment. Di ba, Dro? Apan, lahi man ang paminsar sa atong gobyerno – kadtong daghan nag kwarta nga barangay maoy buboan sa daghan pang kwarta. Ang pobre, dimalas lang. Lakip ba ni sa essence sa demokrasya ?

* * *

Sa lungsod sa Praxedes Guerrero, Mexico, usa ka 20-anyos nga babaye ang gitudlo nga hepe sa kapolisan ning maong lungsod, si Marisol Valles Garcia, ig-unsa kaha ning Gwen no? Usa ka dakung hagit alang kang Marisol tungod kay ang maong lungsod gitay-ug kanunay sa mga lawless elements, naila nga no man’s land, diin maoy naghari ang mga drug lords. Ang iyang gisundan nga hepe, gipusil patay sa tuig 2009. Ug gidangtan o kapin sa usa ka tuig una sila makapili og ipuli.

Ato kaha ning suwayan dinhi sa ato no?