Palpak ni Monares
Sulod sa duha ka higayon akong gihisgutan ang suliran sa basura sa Barangay Kalunasan. Human mogawas dinhi sa akong lindog ang reklamo sa mga molupyo sa Kalunasan tungod sa kakuwang sa pagpakabana ni Kapitan Nunilon Monares pagsulbad sa suliran giuwan ko og text ug e-mail.
Sagad nila mihatag og kasayuran ug mipadangat sab sa dugang pa nilang mga reklamo batok sa ilang kapitan. Usa sa mga suwat nga akong nadawat nagkanayon, “Your comments about Brgy Capt. Monares hit him smack in the face. Up until now they have not solved the garbage problem of our barangay. They borrowed a truck from the DPS but the people picking up the garbage do not know how to go about their duties in the proper way of picking up the garbage and the unholy hour of picking up the garbage. The garbage personnel and the driver will just park at a place and call out to the people that there is a pickup to be done........... at 12 midnight!!!!! Worst of all the residents themselves have to pitch their garbage sacks into the truck!!! This is not all of it, when he was yet a councilor of our barangay he seldom attends sessions. This is an open fact which everybody knows and if he did this during his term as councilor he can do this now that he is a Barangay Captain. By the way I did not vote for him last elections. He won because he had the funding and blessings of Tomas.”
Human madisgrasya sa miaging semana ang gihuwaman nila nga dump truck gikan sa DPS diin duha ka mga kinabuhi ang nakalas ug ubay-ubay ang naangol diha dayoy nipahibawo nako nga niresulta na ang pagpataka og panawat ni Monares og drayber ug kawani sa barangay.
Wala dayon ko mutoo sa kasayuran tungod kay sigun pa sa pangangkon sa drayber sa Kalunasan gubaon man kuno og preno ang dump truck nga gipahuwaman sa dakbayan. Nagtuo man sab gud ko nga dili imposible nga tinuod ang pangangkon sa drayber. Apan dihang gisusi ang dump truck ug nasuta nga way deperensiya ang preno niini, nisantop pagbalik sa akong huna-huna ang kasayuran nga gipadangat sa usa ka nagpakabana nga molupyo sa Kalunasan.
Sigun sa kasayuran nga akong nadawat adis-adis ang gipanawat ni Monares nga tighakot sa basura ingon man ang drayber sa garbage truck sa barangay. In fairness sa mga tighakot og basura sa Kalunasan dili nato sila mamahimong hukman nga mga adik kun way igong basihanan.
Apan kuno mga kawani man sila sa barangay mas maayo tingali nga ipaubos ni Monares sa drug test ang iyang mga kawani nga gidawat aron pagsiguro nga dili sila mga adik. Tingali mas nindot og si Monares mismo maoy mangulo sa iyang mga sakop sa pagpaubos sa drug test aron paghatag nila og ehemplo.
Pero ang nakadaot kay sigun pa sa akong tinubdan kanunay man pud nga dili igkita si Kapitan Monares diha sa iyang opisina. Mas giatiman man gud niya ang iyang negosyo kay sa mga suliran sa barangay.
Kung mas importante diay alang ni Monares ang iyang negosyo wala nalang unta siya magpaluma-luma og papili. Unsa man gyud diay iyang tumong sa pagpapili pagka-kapitan nga dili man siya makahatag sa iyang tibuok panahon sa pag-alagad sa barangay?
Hinaut nga wala ko masayop sa akong pagduda nga ang bugtong tuyo ra ni Monares sa pagpapili mao nga kaprotehian ang iyang negosyo labi pa ang iyang pagpangoykoy og yuta diha sa Kalunasan.
Karun ang pangutana, duna kaha ni pagtugot gikan sa Department of Environment and Natural Resources? May environmental compliance certificate ba si Monares gikan sa DENR sa nagpadayon niyang quarry operations?
* * *
- Latest
- Trending
