Electric-powered vehicles

Duha ka senador ang nanghingusog karon sa pag-ugmad og mga sakyanan nga ipadagan sa elekrisidad, kon electric-powered vehicles. Matud nila ni Senador Edgardo Angara ug Manny Villar, duha ang tumong niini, pagdaginot sa paggamit sa oil, ug pagpakunhod sa pollution. Ug sa samang higayon, magmugna og bag-ong industriya sa nasud.

Invention kini sa atong nasud, matud ni Villar. Gi-develop sa Green Renewable Independent Power Producers Inc. uban sa pakig-alayon sa Solar Electric Co., ug gigama sa Philippine Utility Vehicle Inc.

Sa Manila, 70% sa pollution gikan sa mga sakyanan sa kadalanan, ug sa balig 96% nga importasyon sa lana, kadaghanan niini, gigamit sa transport sector. Sa ato pa, cost-efficient kaayo ang paggama og mga electric powered vehicles.

* * *

Labing adunahan sa China, buot konong makig-alayon sa pamilya ni Presidente Noynoy. Nindot ni nga balita. Giingon dinhi nga si Zong Qing Hou, chairman ug general manager sa Hangzhou Wahaha Group Co., Ltd., sa Shanghai, interesado nga makig-partner sa Cojuangco family, pag-develop og halapad nga sugar plantation dinhi sa nasud.

Ang Wahaha maoy nag-una sa pagpanggama’g beverages sa tibuok China, ug maoy ilang gusto nga ang Pilipinas maoy himoon nilang main source sa asukar. Aduna silay 150 ka subsidiaries sa 29 ka probinsiya, 58 ka production bases, 30,000 ka empleyado, uban sa 30 bilyones ka Yuan nga asset. Ilang kita’ sa miaging tuig, mikabat og 43.2 billion RMB.

Imagine kun makasulod sila nganhi sa atong nasud, pilay makatrabaho, ug pilay masulod sa atong panudlanan. 

* * *

Naunsa na man ta ini uy? Problema usab sa London ang unemployment ug corrupt politicians. Sige usab silag protesta didto. Apan, sa usa sa ilang mga demonstration, usa ka batan-ong lalake, naghubo ug aron makit-an sa tanan, mikatkat sa kahoy. Mora lang pod sa atong mga tinun-an sa UP, nga maghubo pag-manifest sa ilang gusto ug kawsa. Sukwahi sa gihimo nila ni Adan ug Eva nga midalig tabon sa dahon pagka-amgo nila sa kangil-ad sa ilang nabuhat.

Sa atong nakita nga hulagway, guwapo kaayo ang batan-on nga naghubo, ug wa magtabon sa nawong. Kita dinhi, unsa man? Morag mga gorilla? Hinoon, enjoy man sad kaayo ang mga babaye

Nangaunsa na man lagi ta ini, Dro?