Giya Palamandong alang sa kasaulogan sa Pulong

Bulahan pasiuna

Usa ka natural nga hitabo ang kamatayon diha sa kinabuhing tawhanon. Apan daghan nato ang mahadlok makigharong niini tungod sa mga nagkadaiyang mga hinungdan. Apan ang buhing matuod mao nga gipahimugso kita aron mamatay. Apan ang kamatayon dili maoy paghunong sa panaw kondili maoy sinugdanan o ang ganghaan sa Bag-ong Tipo sa Pagkinabuhi. Ang kinabuhi diha sa kahimayaan uban ang atong Magbubuhat nga sa katapusang adlaw kita muatubang ug makighiusa; ang tumong ug hinungdan kun nganong kita gilalang sa Diosnong dagway ug kasamahan. Ang hukom sa Dios nga mugnaon ang tawo sa iyang dagway ug kasamahan maoy usa ka paagi sa pag-ugmad ug usa kondili usa ka personal ug suod nga Dios alang natong mga tawo.

Pagpalawom

Tungod ning maong kasuod, ang Dios mibuot nga ang iyang anak ang mokunsad sa kalibutan sa mga patay. Adunay tulo kahulogan kining pagkunsad sa mga minatay. (cf. Katesismo sa Pilipinong Bisaya num. 590-592).

1. Una, nagmatuod kini nga si Jesus, namatay ug gilubong. Diin iyang nahiagoman ang katapusang pagsulay nga tawhanon nga mao ang kamatayon. (cf. CCC 632).

2. Ikaduha, ang buhat sa pagpanubos ni Kristo alang sa mga nangamatay sa dili pa siya mobalik. (cf. CCC 633).

3. Ikatulo, ang tanang tinubos gitubos ni Kristo pinaagi sa iyang pagpasakit ug kamatayon kansang mga bunga molatas sa tanang panahon ug dapit. (cf.CCC 634-635)

Implikasyon niini sa atong inadlaw ug Kristohanong Pagkinabuhi

Kitang tanang ning kinabuhing kalibutanon ang mga lumalabay lamang ug ang kalibutan diin kita nagpakabuhi dili maoy atong tinuod nga puloy-anan. Hinunoa mga bakasyonista lamang kita dinhi. Busa nga mahinungdanon kaayo nga pangandaman nato ang kamatayon una sa praktikal nga paagi diha sa pagbayad sa atong lungon o sa atong kalubngan. Ikaduha, sa Espiritwal nga paagi diin atong himuon ang makanunayong paghalad sa atong kaugalingong kinabuhi ngadto sa Dios nga maoy tag-iya niini. Busa dili maayo nga mag-usik kita sa panahon. Atong buhaton ngadto sa mga buhi ang alang lamang sa mga buhi ug dili nato kini buhaton ngadto sa mga patay. (Sanglitanan: Ang paghimo og maayo ang angayang himuon samtang malipay pa ang tawo nga atong himoan niini. Dili maayong palitan og converse nga sapatos ang patay nga sa buhi pa nagtiniil.”

Pahulay nga dayon ihatag kanila o Ginoo ug ang kahayag nga walay pagkapalong modan-ag unta kanila hangtod sa kahangturan. Amen.