Usa ka batan-ong dalaga ang miduol kanako sa Sakristiya aron magpabendita sa mga calculators, lapis ug rosaryohan nga dala. Giabot ako og katingala busa ako siyang gipangutana kun asa gamiton ang lapis nga Mongol ug calculator niya. Siya mitubag: “Board Exam namo ugma padre! I-ampo tawon ko nga makapasar!” Ako siyang gisumbalik og pangutana: “Unya nakatuon ka?” Igo lang siyang mingislo dungan ang pag: Hehehehehe!”
Pamalandong
Nakadayeg ako sa gipakitang pagtuo sa maong estudyante nga siya pagatabangan sa Dios sa iyang eksamen. Maayo baya kini apan wala lang usab kini magpasabot nga dili na lang usab kita maningkamot. Ang makanunayong kakugi inubanan sa pag-ampo ang dako kaayo og ikatabang alang sa kalampusan sa tawo. Kay ang Dios dili lamang manghinan-aw sa iyang mga anak nga nagkagidlay.