Panigarilyo sa mga doctor!

Unsaon man tuod nato pagtuo nga makadaut ang smoking kun silang mga doctor mismo di man motuo? Kun mituo pa sila, wala untay doctor nga manigarilyo. Ug daghan usab unta ang motuo kanila inig-ingon nila nga makadaut ang panigarilyo. Sa ato pa, magduda ta kun tinuod ba gyud ang giingon nga smoking is dangerous to our health.

Ang Philippine Medical Association (PMA) miawhag sa ilang mga miyembro sa dili pagpanigarilyo “to set an example to their patients.” Matud ni Dr. Oscar Tinio, PMA president, “our members are in the best position to know the damaging effects of tobacco smoking on a person’s health.”

Iksakto. Busa, mohangyo kita sa mga smoking doctors pagtabang pagsanta sa smoking pinaagi ilang pagbiya sa smoking. Kun maglisud na sila’g stop sa smoking, at least, ayaw lang mi pakit-a ninyong magyupyop aron di mi maibog.

* * *

For the first time in sixteen years, ang labing adunahan nga tawo sa tibuok kalibutan, dili na Amerikanhon, kundili, usa na ka Mexican. Si Carlos Slim, is worth $54 billion, ang unang Latin American nga nakahupot ning maong kadungganan, lupig na ang America.

Unsa kini sa mga timailhan nga nagkaluya na ang influence sa America sa Western Hemisphere. Samtang nagpadayon ang financial crisis sa Amerika, sa Latin America, nag-anam na sila’g kaulian didto. Sa mosunod nga napulo ka tuig, ang Canada ug Venezuela maka-surpass na sa America, sa oil production.

Ang Chile karon mao nay nag-una sa copper production, 300% more sa production sa America. Ang Brazil karon, nag-produce sa iron core, four times over sa iron core production sa America. Ingonman sa exportaion sa beef, lupig na ang Amerika sa Brazil.

Pipila lamang kini sa mga tinalilhan nga kuno “the U.S. is losing its influence in the Western Hemisphere.” Kuyaw no? Matud pa sa mga tigpaniid, sa una kuno moingon sila nga God Bless America, apan karon, Godless America.

Unya, ang uban natong sakop sa Kongreso, morag gustong mosunod sa America. Makig-away na sa Simbahan.

* * *

Nasayod ka ba nga kuno ang “dark chocolate, can improve heart health, lower blood pressure, reduce LDL cholesterol, and increase the flow of blood to the brain?”