Pasayloon ang senior citizen

Gubot ang Sugbo tungod sa gisulti ni Gloria Diaz sa Cebuanas o Cebuanos -- nga kuno di makamao mosulti'g English. Makalagot bitaw. Apan not to worry. Pasayloon ta si Manang Gloria.

* * *

"Kitang mga Sugbuanon matinahuron sa senior citizens," matud pa ni Noy Temyong. "And Manang Gloria should not be an exception to the rule," mi-Iningles si Noy Temyong.

* * *

OK ra baya kun kitang Pinoy mosayop sa pagsulti'g English. Pero dili OK kun ang Kano masayop sa pagsulti sa iyang kaugalingong language.

* * *

Sama ni Samuel Goldwyn kinsa miingon: "An oral contract isn't worth the paper it's written on." Ug adtong usa ka Kano nga miingon: "If your father was alive, he'd be turning over in his grave."

* * *

Apan di angay pasayloon kadtong tourist guide nga miingon samtang nagtudlo sa Cross ni Magellan: "Joe, this is the Cross that planted Magellan."

* * *

Sa laing bahin ... Ngano man tuod nga ang atong Miss Universe contestants dili pasultion og Tagalog kun di kamao mo-English? Naay daghan maayong interpreter nga Cebuano.

* * *

TRIVIA -- Salamat ni Mrs. Mercedes Genovea diha sa Guadalupe sa iyang get-well-soon card. Nganong nahibawo man si Ma'am? ... Greetings diha sa mga taga C. Padilla duol sa jai-alai.