Usa kuno ka sikat ug inilang couturier kon fashion designer ang gikontrata sa pag-design sa barong ni President-elect Noynoy Aquino para sa iyang inagurasyon unya sa June 30.
* * *
Wa ko masayod niini kun wa mo-text nako si Ma’am Cheding, ang kaila kong retired school teacher nga miyembro sa usa ka senior citizens association.
* * *
Matud pa ni Ma’am Cheding (mihangyo nga di lang ibutyag ang apelyido): “Duna pa bay laing desinyo ang barong?” Pareha ra man kuno tanan ang barong.
* * *
Mipuno si Ma’am Cheding nga sa iyang naobserbahan, mga bayot ra man kuno ang mousab sa desinyo sa barong. Ila ra kunong gamitan og nagsinawsinaw nga butones ug bordaha’g buwak-buwak. Pero barong ra gihapon kini.
* * *
Si Ma’am Cheding nangutana nako kun pilay bayad ngadto sa couturier sa iyang pag-design sa barong ni Noynoy. Ingon ko wa ko masayod. Nangutana siya kun duna koy cell number si Kris kay iyang teksan.
* * *
Nganong himoon man ning kontrobersiyal ang barong ni Noynoy oy. Ah, hibawo nako. Kini si Ma’am Cheding lunod patay nga follower ni Erap. Hehehe!
* * *
Diha toy higayon nga iyang gibasul si Noynoy nga midagan pagka-Presidente. Kun wa pa kuno si Noynoy si Erap ang midaug sa eleksiyon. Hahaha! May nalang nidagan si Noynoy.
* * *
TRIVIA -- Mga suki diha sa Pardo public market, nakabasa na mo sa “Wild Flower” ni Cindy Jones? Ang iyang nobela. Dili ang iyaha.