EDITORYAL - Misimang ang isyu

Lain nasad ang isyu nga giusikan og laway sa kampo ni Sen. Noynoy Aquino (Liberal Party) ug ni Sen. Manny Villar (Nacionalista Party).

Ang isyu: Ang mga artista nga gigamit nila sa kampanya.

“Nisimang ka Imang” ang politikanhong isyu, atong huwaman ang panultihon sa mga tiguwang.

Unsa may labot niining mga artista sa atong pagpili sa mga lider nga moduma sa nasud?

Adorno ra sila sa kampanya apan dili sabton nga sila maoy basihan sa mga botante sa ilang pagpili sa ilang Presidente ug Bise Presidente.

Kadagdanan ani midayeg og kandidato tungod kay binayran. Ang kadaghanan kanila modayeg kaha ni Tal Pulano kun wa bayri?