EDITORYAL - Luoy ang mga magtutudlo
Gibalita nga mga 600,000 ka mga magtutudlo sa tibuok nasud ang mawad-an sa ilang katungod sa pagbotar ning umaabot nga eleksiyon.
Kini tungod kay wa sila makabotar adtong miaging eleksiyon gumikan sa ilang trabaho sa masig nila ka presinto. Ug kay wa sila makabotar gi-delete kon gipapas ang ilang mga ngalan sa listahan sa mga botante.
Kining problema ron sa mga magtutudlo gikonpirmar ni Education Secretary Jesli Lapus.
Si Secretary Lapus mipadayag sa iyang kabalaka nga kun ang kaso sa mga maestra ug maestro nga nagsilbe sa eleksiyon dili kahatagan og dinaliang aksiyon sa Comelec, daghan gayud ang mga magtutudlo ang dili makabotar sa Mayo 10.
Kaluoy ining atong mga magtutudlo gumikan sa ilang pagtuman sa ilang patriotic duty mawad-an na hinuon og katungod sa pagbotar. Ni Juanito V. Jabat
- Latest
- Trending
