One more chance

Kun buot hunahunaon daghan natong mga tawo ang dili maantigong magpailob. Ginagmay nga inconveniences ug ginagmay'ng mga problema ang maka-irita natong mga tawo. Gani dunay usa ka hinimbahay nga kun maulahi ang pari nga momisa daw gikigwa na ang lubot niya ug baba niya daw basoka na sa pagtinabi-tabi sa iyang angal. Kun masayo man gani ang pari magbagulbol gihapon si manang. Pastilan! ingon ini gyud usahay ang tawo, walay katagbawan. Diyotay nga sipyat padak-on pa gyud. Apan ang Ginoo lahi. Dili dayon siya masuko. Hinunoa, mapailubon siya diha sa paghatag og laing higayon. Mohatag siya og laing chances. Kini maoy hinungdan kun nganong ang Ginoo sa kanunay maantigong mohatag sa iyang mga bukton kanila nga buot makig-uli kaniya.Husto gyud ang ilang giingon: To err is human to forgive is Divine