Tungod sa drought kon huwaw, resulta sa El Niño, nangagahi ang mga lapok. Dili ron maayong manablig og lapok ang mga kandidato.
* * *
Matud pa sa Bisdak tang finance secretary dili mahimong way bag-ong taxes sa sunod nga admin sama sa gisaad ni Noynoy. Bag-ong taxes? OK lang. Andad naman ta ana.
* * *
Naay kandidato nga gustong patas-an ang gitawag nga "sin tax." Ang pagasbot ko ana sa una nga mobayad ta'g tax sa pari inig kompisal ta's atong mga sa'a. Hehe!
* * *
Akong amigo si Teddy lain sab ang iyang pagsabot sa sin tax. Abi ba to niya'g pabayron siya'g buhis inig tan-aw niya'g hubo-hubo sa Mandaue.
* * *
Ang mga operator sa taxi dili buot nga pun-an ang mga taxi sa Sugbo kay daghan na kuno kaayo. May surplus na. Tuo ka? Tuo nalang aron di ka masaypan nga kutsero.
* * *
Ila gud nang negosyo. So hibaw sila nga daghan nang taxi sa Sugbo. Pero, Bai, nganong kaming mga way awto maglisud man makakuha'g taxi anytime of day or night?
* * *
TRIVIA -- Greetings diha sa atong mga higala sa Tuburan ug Borbon labi na diha sa ilang masigka merkado.
* * *
Pahalipay ngadto sa Magdadaro Family, labi na sa atong higala nga si Dr. Gido Magdadaro, atol sa inagurasyon sa Cebu Sacred Heart College System. Kusog kaayo ang paglambo niining maong eskuwelahan.