Ang mga botante, bisan kadtong mga batid na nga mga tigpaniid sa politika, naglibog kun kinsa gyu’y nag-una sa lumba sa pagka-Presidente.
Kay ngano? Daghan man gud ang mga survey, apil na ang mga survey-survey, diin wa makapareha ang resulta o bisan mikibra la’g gamay.
Pun-an pa kini sa mga press release gikan sa mga nagkadaiyang kampo sa mga kandidato.
Husto ang tambag o pahimangno sa usa ka maestro sa political science sa usa ka unibersidad sa Manila: “Take all surveys with a grain of salt.”
Hinayhinay lang kuno ang pagdawat sa mga resulta sa gipahigayong survey sa nagkalainlaing pundok. Ni Juanito V. Jabat