Hangtod ning panahona diin ang eleksiyon mga tulo na lang ka buwan gikan karon, daghan pa gihapon ang nagduda kun mahinayon ba gyud ang automated voting.
Bisan mga batid nga tigpaniid apil sa hut-ong sa mga madudahon.
Kun pananglitan -- pananglitan lang -- dili mahinayon ang automated kon computerized election, andam na ba kaha ang Comelec paghulip sa kapakyasan?
Daghan ang nabalaka nga basin dili mahinayon ang automation sa balloting ug unya ideklarar na lang ang “suspension of election.”
Hinuon gisalikway sa Comelec ang maong kabalaka. Ug hugtanong mipasalig ang mahinayon gayud ang automated election.
Manghinaut kita nga dili madiskarel ang dugay nang gilihok nga automation process.