Ang nagdala ug ang gidala

Sa ebanghelyo ang atong Ginoo nagdala sa mensahe sa kaluwasan ug samang higayon Siya ang unod sa Iyang giwali. Siya ang mensahe Iyang gitudlo. Ang Iyang binuhatan maoy tubag sa mga pangutana sa Iyang pagka-siya. Sa atong pagkinabuhi nahimong kabahin sa atong paninguha nga unta mamahimo kitang kinabuhi sa atong gipanulti. Ang paghimo og mga butang maayo dili resulta sa usa ka drama hinunoa ang pagbuhat og maayo salamin lamang sa tinud-anay nga bulok sa atong pagkatawo. Sama sa atong Ginoo kang kansang kinaiya mao ang pagtubos ang nipakita niini pinaagi sa pagwali, pag-ayo sa mga masakiton ug ang paghimo sa mga nagkadaiyang milagro. Ang milagro ug mahitabo lamang kun diha sa tawhanong kasinatian anaa ang kaabli sa kaugalingon aron mamahimong instrumento sa Kahitas-an.