Mga Christian church giataki
Siyam na ka mga simbahang Kristiyano ang gipangataki sa mga Muslim didto sa Malaysia. Kini suma sa report sa Agence France Presse.
* * *
Ang hinungdan mao ang baruganan sa ilang Supreme Court nga ang pulong "Allah" nahimong sabton nga God kon Dios. Suko ang mga Muslim niini.
* * *
Ang ilang kasuko nanghinobra nga anha nila gipahungaw sa pag-ataki sa Christian churches ginamit ang molotov bombs ug vandalism.
* * *
Period na ko diha. No comment ko sa rightness or wrongness sa hitabo. Ila na nang problema.
* * *
Sobra ra kaayo ang pagpangga sa mga Muslim kang Allah. Dinhi sa ato, medyo kuwang ra ang pagtahud ta sa atong God.
* * *
Mga artista ug mga tv hosts sayon-sayonon ra mosinggit "Oh, my God, oh my God!" Isip expression lang sa ilang excitement.
* * *
Usahay gamiton sa pangomedya ang ngalan sa Dios. Sama sa nadunggan ko sa radyo diin usa ka nag-handle sa program miingon: "Diyos ko, Diyos ko, nganong gibiyaan mo ang lamesa gikaon na nuon sa iring ang sud-an."
* * *
TRIVIA -- Maayong buntag diha sa mga naghuwat og fastcraft sa pantalan. Pikpik sa abaga ngadtos mga Banat News newsboy diha sa North Bus Terminal.
- Latest
- Trending
