EDITORYAL - Wa gyu'y mahimo si Greg

Suma pa sa balita nga gipanaktak ni Gob. Gwen Garcia ang 57 ka mga sakop sa staff ni Bise Gob. Greg Sanchez.

Mga neutral nga tigpaniid nagtuo nga kining 57 ka empleyados ni Sanchez nangaigo ra kini sa political crossfire.

Si Sanchez suma sa balita miapelar ngadto sa gobernador nga dili lang kuno ilakip ang mga kawani sa ilang (Gwen ug Greg) political differences.

Dugay na man sa politika ang bise gobernador, wa nalang unta siya magpakiluoy nga dili hilabtan ang iyang mga tawo.

Ing-ana man gyud na ang politika. Makatarunganon man o dili ang buhaton ni Gob ngadto kaniya (bise gob) wa siya’y mahimo. Kay magkaatbang naman sila ug anaa man ni gob ang gahum. Ni Juanito V. Jabat