EDITORYAL - Magmalaumon sa Bag-Ong Tuig

Ania na sab ang Bag-ong Tuig. Atong dawaton sa dakong paghangop ang pag-abot niini hulip sa miaging tuig diin nahisukamod kita sa daghang katalagman.

Sugaton nato sa dakong kalipay ang Bag-ong Tuig dala usab ang panghinaut nga mohatag kini kanato og bag-ong paglaum ug bag-ong kahayag sa atong kinabuhi.

Nasugamak kita sa daghang kapaitan ug mga pagsulay sa miaging tuig. Gikan sa kinaiyahan ug gikan usab sa pipila ka mga masupilon tang isigkatawo.

Manghinaut kita nga ang Bag-ong Tuig mohatag kanato og kahigayonan sa pag-angkon og mas maayong kinabuhi.

Maglipay kita. Ug magmalaumon. Kay ang paglaum maoy usa sa mga saad sa Bag-ong Tuig.

Happy New Year kanatong tanan!