EDITORYAL - Sugyot sa mga biya nga kandidato

Opisyal sa Comelec miawhag ngadto sa mga kandidato nga sayod sa ilang kaugalingon nga wala gyu’y tsansa kun kahigayonan nga makadaug sa pag-withdraw sa ilang kandidatora.

Sa ingon, maluwas pa sila sa kagastohanan ug hastang gobiyerno makatipid sab sa gasto kalabot sa mga butang bahin sa pagpahigayon sa eleksiyon.

Hinuon sugyot lang kini kay katungod man sa tanang kandidato sa pagsalga sa eleksiyon bisan layo ra sa kadaugan.

Ug bahin sa gasto nga mausik, ila ra man sad ang kuwarta nga mausik.

Wala baya kami misuway’g pugong sa mga biya nga kandidato. Misuway ra kami sa pagsugyot kun pagtambag. Sa iningles pa “take it or leave it.”