EDITORYAL - Napasagdan nga ordinansa
Sa katapusan -- at last! -- duna nay nagpakabana kalabot sa sobrang kasaba o kalangas sa mga sakyanan (motor vehicles) dinhi sa dakbayan sa Sugbu.
Ug ang nagpakabana mao ang Cebu City Sangguniang Kabataan president nga si Rengelle Pelayo.
Si Pelayo, kinsa naglingkod isip honorary member sa Cebu City Council, misang-at og resolusyon diin giawhag ang City Traffic Operations Management (CITOM) sa pagpatuman sa City Ordinance 40.
Ubos niining maong ordinansa gidili ang paghimog kasaba, lakip na ang pagbusina, sa mga sakyanan duol sa eskuwelahan, korte, hospital ug uban pang susamang institusyon.
Karaan na kaayo ning ordinansaha ug mora nakalimtan o napasagdan na lang. Mao nga nagpatuyang na lang ang mga drayber sa sakyanan sa pagbusina’g kusog sa mga lugar nga gidili kini.
- Latest
- Trending
