EDITORYAL - Daghan ang madudahon

Tungod sa pagkamubo sa kredibilidad sa kasamtangang administrasyon, daghan ang matahapon nga ang pasalig sa Pangulo nga ang kinatibuk-ang pwersa sa balaud ihapak ngadto sa gituohang mastermind sa masaker sa Maguindanao.

Ang paglangay-langay sa pagsikop kang Mayor Andam Ampatuan Jr. sa lungsod sa Datu Unsay mipakita nang daan sa kakuwang sa political will sa Pangulo sa pagpahamtang og silot ngadto sa giilang principal suspect nga iyang kaalyado sa politika.

Manghinaot kita nga sayop ang anaa sa hunahuna sa mga tigpaniid.

Ug atong ikalipay kun ang mga tigpaniid nasayop sa ilang hunahuna ug paghusgar sa administrasyon.

Dako kaayo nga krimen ang nahimo didto sa Maguindanao. Dili mahimo nga madyik-madyikon lang ang pag-imbestigar niini. Ug hatagan ang katawhan og dili makiangayon nga resulta.