Gusto sa Department of Health (DOH) nga i-ban ang pabuto kun rebentador atol sa kasaulogan sa Kapaskohan ug sa Bag-ong Tuig.
Maayo man ang intensiyon sa DOH -- nga walay Pinoy nga mabuta o ba kaha mapungkol gumikan sa pabuto.
Apan mapatuman kaha ang ban nga nahimo naman nga kabahin sa kinabuhi sa Pinoy ang pagpabuto isip kabahin sa kasaulogan sa Pasko ug Bag-ong Tuig?
Sa among tan-aw bisan pag dunay balaud nga magdili sa pagpabuto og rebentador walay bisan kinsa nga makapugong niining matang sa pagsaulog sa Pasko ug Bag-ong Tuig.
Niadtong panahon sa Martial Law ang diktador mimando nga way mopabuto og pabuto. Apan gipikatan ra siya. Nagpadayon ang binuthanay sa pabuto.
“I-ban ang firecrackers? Maypag i-ban nalang ang Kapaskohan ug Bag-ong Tuig,” matud pa sa usa ka taxi driver.