RP: the biggest rice importer in the world; di ka mauwaw ini, Dro?

Sa iyang column sa Inquirer, si Amando Doronilla nagkanayon: ‘Apart from declaring a state of national calamity, the government was forced by the flooding to start this month, he purchase of 250,000 metric tons of rice for next year.

“The biggest rice importer in the world, the Philippines has so far imported 1.775 million MT this year. The additional rice will be imported from Thailand, Vietnam, Pakistan, Australia, United Sates and India.”

Usa kita ka agricultural country, Dro. Ambut ngano nga dili ta maka-produce sa kaugalingon natong bugas.Lupig ta sa Vietnam, Thailand ug Pakistan. Pong pa sa mga istambay: “Imagin of dat!” Ug sayod sila nga kining taga-Thailand ug Vietnam, dinhi sa atong UP Los Baños makakat-on unsaon pag-produce og daghang palay. Di ka mauwaw ana, Dro? Kun di ka mauwaw, kinsa may mauwaw?

Sugot ka ini, Dro nga malupig ta sa Vietnam nga di man na sila kamaong mo-Iningles? Kita dinhi, pagka-maayong lake nato mo-privilege speech, unya lupig ta sa Vietnam? Hinuon, kining pananom, di man ni madag Iningles lang. Apan, sa ako nang giingon dinhi, panahon ni Marcos morag naka-export tag bugas ubos sa iyang Masagana Program. Ambut kinsa toy secretary sa agriculture niadtong panahona. Si Tanco man tingali o si Sonny Escudero.

Ang maong rice exportation, nagpasabot nga mahimo kaayo ni nato, Nganong di man? Ambut nganong wa to mapadayon! Usa kini ka hagit sa mosunod nga presidente sa nasud. Kinahanglan iya nang hunungon ang importasyon sa bugas.

Karon sa kapakyas sa agriculture sector pag-produce og enough rice, aron di na ta magsalig sa Vietnam ug ubang kanasuran sa gawas, si Secretary Yap sa Department of Agriculture, giingon nga modagan pagka-Senador. Moy gidangat.

Mora sag si Ace Durano nga sa iyang pagtoo nagmalampuson ang tourism industry sa nasud gumikan niya, molansar sad kono pagka-Senador. Pastilan, ang ilang standard bearer pirmeng mangiwit sa mga suvey. Di sila mahadlok nga madala sa kahig? Of course, number one siya sa mock polls nga gihimo among the Lakas-Kampi-dominated House of Representatives – apan nangiwit sa survey sa katawhan. Ug ang mga Kongresista dili mao ang lungsod. Sumaa unsay nahitabo sa kang Marcos nga powerful kaayo nga KBL? 

Anyway, daghan pang mahitabo until election day. Walay nasayod kun unsa unya ang sentimento sa katawhan on election day! Pong pa usab sa mga istambay: “Let’s to wait and see!”