Usa ko kaila nga pari samtang nagkukabildo kami ang akong nadunggan nga nagkanayon: "Pasalamat ko Rey, nga nakaila nako ang usa ka arkitekto nga ambisyoso." Kini tungod kay duna siya'y proyekto nga grabe kaayo. Ambisyon, dili gyud mawala kini ug natural lamang ang mag-ambisyon. Pordoy na kaayo ang tawo nga walay ambisyon. Ingon ini usab ang nahitabo sa duha ka managsuon. Nahimong personal ra kaayo ang ilang tumong sa una nilang pagpahayag sa ilang tuyo diha sa pagsunod sa mga lakang sa atong Ginoo. Apan sa kaulahian, napamatud-an nila nga nahimo diay nilang mahingpit ang ilang tinguha. Kini tungod kay ang tawhanong panlantaw ang nailisdan sa panlantaw nga Diosnon. Gipamatud-an ni nila sa ilang pag-ula sa ilang dugo. Ang atong kinabuhi nga kristohanon usahay ang nahisama niini. Apan wala kini magpasabot nga mamahimo kitang salikwaot kun ugaling atong giisip ang personal ug tawhanong panlantaw. Kay angay natong hibaloan nga ang Dios sa kanunay maghingpit kanato.