Mag-economic recovery na ta?.

Sumala sa mga tigpaniid ug mga eksperto sa ekonomiya, ang kahimtang karon sa tibuok kalibutan, nagpadong na sa economic recovery. Sa tinamban natong pagkwenta ug pagtimbangtimbang, atong maingon nga gipul-an na ang krisis, mitidlom na ngadto sa labing ubos nga kahimtang sa kalisud, ug karon, wa nay laing kapaingnan, gawas sa pagsaka balik sa normal.

Giingon man gani nga lagmit, misalir ug mi-epekto na ang mga solusyon nga gi-adopt ni Pres. Barack Obama pagtul-id sa ekonomiya sa Amerika. Of course, dili kini madali, molungtad pa kini hangtud sunod tuig, apan, maayo na lang kay aduna nay mga tilimad-on nga ato rang makab-ot ang economic recovery sa tibuok kalibutan.

Dinhi sa ato, unsa man? Sa ato nang giingon dinhi, wala kaayo nato ma-felt ang economic crisis tungod kay mao kini ang atong naandan, sa pagkaon pa, daily menu, inadlaw kini natong putahi.

Maoy hinungdan nga sa dihang gitay-og ang tibuok kalibutan sa economic crisis, dinhi sa ato, mora la’g wa, kaylagi ang kalisud ordinaryo kaayo alang kanato. Gani, taliwa sa kalisud, naka-afford gihapon ta pag-suroy-suroy sa tibuok kalibutan, pag-check in sa five star nga mga hotel ug pagkaon sa mahalon nga mga restaurant.

Mao kini kita. Mao kini ang giingon nga “I’m proud to be a Pinoy!” Samtang sila didto si Obama ug iyang bise presidente, nangaon sa usa ka hamburger joint, dili kini nato mahimo, tungod kay usa kini ka dakung insulto, degrading kaayo alang sa usa ka honorable nga Pinoy.

 Anyway, niay maayong balita. Ang National Statistical Coordination Board (NSCB) sa atong nasud nanag-an nga ang giingon nga local flash economic indicators show signs of recovery.

Nindot nga balita. Nagpakita kini sa naghinapos ang unang quarter ning tuiga. Lagmit tinuod tungod kay mora man sad og atong na-felt nga medyo nakaginhawa na ta’g gamay karon.

Matud sa NSCB, atong kutloon: Indicators on manufacturing, such as the value and volume of production index and capacity utilization rate, started to improve by February 2009. Total exports as well as exports of electronics and agricultural products exhibited a similar trend.”

Nindot kaayo. Ug giingon man gani nga mas mag-una ang atong nasud pag-recover sa ekonomiya kay sa kalibutan.

Maunsa man ang impression sa kalibutan natong mga Pinoy, kining atong pagka-unique, kining atong pagka-lahi’, kining atong pagka-pliant nga dali ra kaayong maka-adjust sa bisan unsa nga panahon, ug labaw sa tanan, kining hugot natong pagtuo nga duna gyu’y Labaw’ng Makagagahum, labaw pang Obama ug ni Ben Ladin, mao kini ang mga traits nga nakabintaha kita kanila. Matud pa, “Lupig sila!”