EDITORYAL - Pahasubo sa mga sakop sa INC

Buot kami mopadayag sa among pahasubo ngadto sa mga sakop sa Iglesia ni Cristo dinhi sa Sugbu ug sa ubang dapit sa nasud kinsa nagbangutan karon gumikan sa kamatayon ni Ginong Eraño “Ka Erdy” Manalo, ang tinamud nga executive minister sa INC.

Mga dagkong lider sa mga dagkong relihiyon sa kalibutan mipadangat usab sa ilang pahasubo ngadto kang Ka Erdy kinsa ilang gidayeg sa maayong pag-atiman niini sa INC.

Ubos sa liderato ni Ka Erdy ang INC milambo ug milambo hangtud mikatap na sa tibuok kalibutan ang gingsakpan niini.

Masaligon kami nga ang mithi ug kabilin ni Ka Erdy magpabilin nga buhi sa kasingkasing sa mga milyon ka milyon nga mga sakop sa INC.

Maayong pagpahulay, Ka Erdy, sa kiliran sa atong Magbubuhat.