Usa ka babayeng fashion model sa Malaysia ang gihukman sa korte nga bunalan og siyam ka higayon sa garote tungod kay kini nasakpan nga niinom og beer.
Ang silot nga “caning” kon pagpalapdos og cane kon baston ngadto sa nakalapas sa balaud uso pa gihapon sa mga dapit diin ang Islamic laws kon mga balaud sa Islam higpit pa nga gipatuman.
Laing silot nga gipatuman pa sa mga konserbatibo nga otoridad sa Muslim nga kanasuran mao ang “stoning” kon paglabay’g bato ngadto sa nakalapas sa Islamic law hangtud kini mamatay.
Kitang mga lumolupyo sa mga nasud nga demokratikanhon ug Kristohanon angay magpasalamat nga kining bayolenting silot sa nakalapas og balaud wala himoa.
Apan naay pipila ka mga Pinoy nga misugyot nga kining matang sa silot gamiton ngadto sa mga kriminal nga mora’g dili kadutlan sa demokratikanhong justice system.