EDITORYAL - Preserbahon ang nahabiling langgam

Aduna pay mga matahom ug minihit nang mga langgam diha sa Busay Heights nga wala na igkita sa ubang dapit sa dakbayan sa Sugbu.

Kini sumala ni broadcast journalist Rene Alquisola kinsa anha nanimuyo sa Busay.

Ang siloy nga suma pa sa uban hapit nang mahanaw ang kaliwat anaa gihapon makita ug madungog ang matam-is ug mananoy nga tingog niini.

Ang ubang mga langgam nga makita pa sa Busay Heights mao ang tamsi, tikarol, maya, pogo, sayaw, gorion, kukok ug tagmaya.

Manghinaut kita nga ang kagamhanan mohimo’g lakang nga kaprotehian kining nahabilin pa natong mga langgam isip kabahin sa pagpreserbar sa kinaiyahan.