58. Ang Lourdes Shrine

Didto sa nasud sa Pransiya adunay gitawag og Lourdes Shrine. Nabantog kini ug nahatagan sa kredito isip dapit nga nahitaboan sa daghang mga milagro sa kaayohan sa mga sakit. May gatosan ka mga kaso nga nahitala diin ang mga pasyente nga may terminal illness nakasinati og milagrosong kaayohan.

May dakong kalabotan ang tubig sa mga milagrong nahitabo sa Lourdes Shrine. Ang German engineer ug water researcher nga si Manfred Bauer mihimo’g pagtuon mahitungod niini ug iyang nasuta nga ang tubig duol sa shrine sa Lourdes diin ang mga masakiton mohumol ug magbasa sa ilang kaugalingon adunay left spin.

Matud pa ni Bauer, ang left-spinning water nagbaton og naghingapin nga gidaghanon sa enerhiya. Ang tawo nga mogamit sa maong tubig sa pagbasa ug pag-inom makabenepisyo pinaagi sa pag-absorb sa enerhiya gikan niini. Ang tubig nga adunay left spin mohatag og enerhiya sa lawas ug kini matawag nga healthy water.

Lahi kini sa tubig nga adunay right spin. Ang right-spinning water maoy mo-absorb sa mga enerhiya gikan sa lawas sa tawo. Ingon sab niini ang cancer cells, adunay right spin ug busa makadaot sa lawas. Ang tubig nga gipaagi sa pag-purify sa reverse osmosis, bisan og natangtang na ang mga contaminant, maisip gihapon nga unhealthy water kay aduna man kini right spin.

Ang tap water, bore-well water, well water ug ubang maingon-ingon niini adunay right spin samtang ang tubig gikan sa mountain springs maoy nagbaton og left spin.