EDITORYAL - Hustisya alang ni Padre Rabusa

Nasikop na, suma pa sa balita, ang mga suspek sa pagpatay kang Padre Jovencio Rabusa diha sa Talisay City niadtong Lunes.

Kay nadakpan na wala nay rason nga dili makab-ot ang hingpit nga kasulbaran sa maong krimen. Sa dili madugay.

Angay lang nga dalion kun pakusgan ang pagpadagan sa kaso dili lang aron kahatagan og dinaliang hustisya ang kamatayon ni Padre Jovencio kun dili aron usab mapakita sa mga badlongong sakop sa katilingban nga wala mahikatulog ang mga tinugyanan sa balaud.

Miduyog kami sa kinasingkasing sa pagbangutan sa pamilya ni Padre Jovencio Rabusa ug sa komunidad sa kaparian diin siya nahisakop.