48. Ang Teertha

Ang tubig nagadula og mahinungdanon kaayong papel sa nagkadaiyang mga tinuohan o relihiyon. Sa Romano Katoliko, adunay gitawag og bendita (holy water). Sa ancient India, partikular na ang Hinduismo, aduna sab sila’y holy water nga tipik ug kabahin sa ilang tinuohan.

Ang holy water sa mga Hindu gipailawom sa usa ka vortex energizer. Sanglit gi-energized man ang maong tubig, aduna kini life force. Ang maong tubig nga giagi sa usa ka natural vortex energizer gitawag og Teertha nga ihatag ngadto sa mga debuto.

Ang paggamit sa Teertha pagaubanan sa tulo ka mantras kon yamyam. Ang unang mantra mao kini: "Prathaman Karya Siddyartham." Sa English kini nagpasabot nga "from the help of this watet let your ambition get fulfilled."

Ang ikaduhang mantra nag-ingon: "Dwiteeyam, Dharma Sadhanam." Ang hubad niini sa English mao kini: "because of the strength of this water let you become capable of living as per the edicts.

Ang ikatulong mantra nag-ingon: "Truteeyam Mokshamapnoti." Buot ipasabot nga "the power of the water is capable of freeing a devotee from worldly wants."

Ang Teertha kanunay giisip nga "blessed water" alang sa ancient India. Adunay daghang kasugiran mahitungod niini nga nagpadayag sa gahom niini. Daghan ang nagtuo nga kini tinuod.

Sa laing bahin, ang Sandhya Vandana usa ka daily ritual sa mga Hindu diin gigamit nila ang utilized water. Halos tanang ritwal sa Hinduismo gigamitan og tubig. (Sunod: Mga Kahimanan)