44. Migraine ug uban pa

Ang mekanismo sa pag-regulate sa tubig sa nagkadaiyang organo sa lawas gikontrolar sa utok. Kun adunay mahitabong acute shortage sa tubig, ang utok mosagop og scarcity management.

Ang scarcity management nagpasabot nga i-regulate sa utok ang gidaghanon sa tubig nga anaa sa lawas. Nagpasabot kini nga bahinbahinon ang tubig sa lainlaing organo sa lawas aron bisan og nagnihit ang suplay sa tubig, matubigan gyod ang tanang parte sa lawas.

Apan kun naghingapin na gyod ang kanihit o kakulang sa tubig sa lawas, mao na lamay makakuhag tubig ang mga organo sa lawas kansang buluhaton imperative aron magpabiling buhi ang lawas. Ang ubang parte sa lawas makakuha na lang og minimal quantity sa tubig. Ang uban gani dili na gyod makadawat og tubig. Resulta, dehydration!

Sumala ni Dr. Fereydoon Batmanghelidj, ang migraine usa ka timaan nga ang utok nagkinahanglan og tubig. Kun ma-dehydrated ang utok, mosakit ang ulo. Mao sab kini ang bation kun ang mata maoy makulangan sa tubig. Ang migraine maoy resulta sa dehydration sa utok ug mata.

Aron ma-hydrated ang mata ug utok, mas maayong moinom og unom ngadto sa walo ka basong tubig kada adlaw. Mas maayo sab nga likayan ang mga pagkaon nga may additives sama sa artificial sweetener, monosodium, glutamate, alkohol, caffeine sour cream.

Matud pa ni Batmanghelijd, kun ang dehydration anaa sa joint, moresulta kini sa arthritis. Kun kini anaa sa spinal column, back pain ang resulta niini. Kay ang sakit maoy sintomas sa panginahanglan sa lawas sa hustong gidaghanon sa tubig. (Sunod: Asthma ug sex)