Bottled water sa India

Uso na kaayo karon ang binotelyang tubig (bottled water). Ang bottled water usa na ka dakong negosyo karon. Mas mahal pa man gani ang bottled water kay sa softdrinks. Ambot og ngano?

Ang bottled water business gihatagan og value nga Rs 400 crore didto sa India. Milambo ang maong patigayon ngadto sa 50 porsiyento matag tuig kay ang mga tawo sa maong nasud nagakadako man ang pagpakabana mahitungod sa safe drinking water.

Wala iklaro sa bisan unsang manufacturer og bottled water didto sa India kun may mineral content ba ang tubig nga gisulod nila sa botelya. Igo lang silang nangangkon nga ang maong binotelyang tubig gitawag og 'mineral water'. Maingon-ingon sab niini ang dinhi sa Pilipinas.

Sumala sa taho nga napatik sa Michigan Minerals didto sa Lansing, Michigan, ang mineral water angay nga aduna niining mosunod nga specifications:

•Calcium: 193 mg/litre

• Magnesium: 58 mg/litre

•Phosporus: 4 mg/litre

• Zinc: 5 mg/litre

•Potassium:5 mg/litre

•Sodium: Nil

* pH: 7.4 o mas taas niini

* Hardness: 260 mg/litre

* Total dissolved salts: 362 mg/litre

Aduna ba niining maong espisipikasyon ang binotelyang tubig dinhi sa ato nga nangangkon nga mineral water? (Sunod: Gamit sa Tubig)